Qyrǵyzstanda oqýshylar mingen avtobýs apatqa ushyrap, 16 bala zardap shekti

BІShKEK. QazAqparat – Qyrǵyzstanda Manas áýejaıy-Bishkek tasjolynda mektep avtobýsy men «Go Bus» shaǵyn avtobýsy soqtyǵysqan, dep habarlaıdy QazAqparattyń menshikti tilshisi.

QR Densaýlyq saqtaý mınıstrligi baspasóz qyzmetiniń málimeti boıynsha, jedel járdem qyzmetine saǵat 11.15 shamasynda aqparat túsken.

Oqıǵa ornyna dereý eki medıkter brıgadasy shyqty.

Kólik apaty saldarynan balalar mingen mektep avtobýsy aýdarylǵan. Aldyn ala aqparat boıynsha, 16 adam zardap shekti.

Tizim jasalyp jatyr.

Eki bala jansaqtaý bóliminde, jaǵdaıy aýyr. Qajet kómektiń bári kórsetilip jatyr.