Qyrǵyzstanda Naýryz merekesi qalaı toılanady

BІShKEK. QazAqparat - Naýryz aıyn qyrǵyzdar «Noorýz» dep ataıdy. Eger mereke kúni náreste dúnıege kelse, onda esimi aı atymen baılanystyrylyp qoıylady, al qar jaýsa, bul – jaqsylyqtyń jarshysy bolyp sanalady. QazAqparat «Kabar» agenttiginiń materıaldaryna súıene otyryp, Qyrǵyzstandaǵy Naýryz merekesine qatysty materıaldar toptamasyn jarııalaıdy.

21 naýryzda týǵan uldarǵa ádette Noorýzbek nemese Noorýzbaı, al qyzdarǵa Noorýzgúl esimi beriledi. Naýryz meıramy aldyndaǵy túni keler jyly jaýyn-shashyn mol bolyp, jaqsy ónim alý úshin túrli ydystarǵa bulaq sýy, sút, dán quıylady. Sondaı-aq mereke kúni úıdi retke keltirip, qaryz taratyp, bir kezderi renjitken adamdaryńnan keshirim suraý ádetke aınalǵan. Merekede túrli festıvaldar, ulttyq oıyndar uıymdastyrylyp, án men bıge toly bolady.

Naýryz merekesin toılaǵan árbir qyrǵyz otbasy túrli taǵamdar qoıylǵan aq dastarhan ázirleıdi. Keıbir úılerde burynǵy dástúrdi saqtap, kórshilerge ádeıilep bıdaı ýytynan un, sary maı jáne qant qosyp, halyq arasynda «sýmolok» dep atalatyn dástúrli buqtyrma daıyndalady. Mereke qarsańynda jurt úılerin retke keltirip, qaryzdaryn ótep, renjisken adamdarmen tatýlasady.

Kóktem kelisimen qyrǵyz halqynyń kópten kútken meıramy Noorýz kelip, mindetti túrde sýmolok sorpasy ázirlenedi. Bul – un men sary maı qosyp óngen bıdaıdan jasalǵan taǵam.

Sýmolokty mereke qarsańynda pisire bastaıdy jáne pisirý ýaqyty túni boıy jalǵasady.

Qyrǵyzstan kóktemgi kún men túnniń teńelýi – Noorýz merekesin toılaıdy. Bul kún men túnniń teńesken kún, sondyqtan ony baıaǵyda basqa kúnderdiń qatarynan bólip alǵan kóptegen halyqtar jańa jyldyń basyn osydan sanaǵan.

Qyrǵyzstandaǵy Noorýzdy toılaý at oıyndary, sadaq atý, sondaı-aq kok-boý men er enısh boıynsha komandalyq jarystarsyz elestetý múmkin emes. Halyq senimi boıynsha, Naýryz meıramy kelgende, adamdardyń aýrý-syrqaty men sátsizdiktiń bári alystap ketedi.