Qyrǵyzstanda munaı bazasynda tsısterna jarylyp, 4 adam zardap shekti

BІShKEK. QazAqparat – Qyrǵyzstannyń Shý oblysy Soqylyq aýdanyndaǵy munaı bazasynda tsısterna jarylyp, 4 adam zardap shekti. Bul týraly Shý oblysynyń densaýlyq saqtaý boıynsha úılestirýshisi Baqtygúl Mamytovanyń sózine silteme jasap densaýlyq saqtaý mınıstrliginiń baspasóz qyzmeti málimdedi, dep habarlaıdy QazAqparat.

Onyń sózinshe, denesin túrli dárejede kúıik shalǵan tórt adam jedel járdem kóligimen Soqylyq aýdandyq jalpy dárigerlik ortalyǵyna jetkizildi.

«Zardap shekkenderdiń bireýiniń jaǵdaıy aýyr, jansaqtaý bóliminde jatyr. Úsheýi travmatologııa bólimine jatqyzyldy (ekeýiniń jaǵdaıy ortasha aýyr, bireýi – qanaǵattanarlyq). Zardap shekkenderge qajet dári-dármek pen qan jetkilikti», - dedi ol.

Bishkekten sanıtarlyq avıatsııa brıgadasymen birge kombýstıolog jiberildi. Oqıǵa ornynda travmatolog pen hırýrgtary bar 3 jedel járdem brıgadasy jumys istep jatyr.