Qyrǵyzstanda munaı bazasy órtenip, 2 myń adam qaýipsiz jerge kóshirildi

BІShKEK. QazAqparat - Qyrǵyzstannyń Jalal-Abad qalasyndaǵy munaı bazasynan órt shyqty. 2 myńǵa jýyq adam evakýatsııalandy, dep habarlaıdy kabar.kg.

«10 mamyr kúni, shamamen saǵat 10:00-da Jalal-Abad qalasyndaǵy Shermatov kóshesinde ornalasqan munaı bazasynda órt bastaldy», - dep málim etti Qyrǵyz Respýblıkasy tótenshe jaǵdaılar mınıstrliginiń baspasóz qyzmeti.

Jalal-Abad oblystyq tótenshe jaǵdaılar basqarmasynyń bastyǵy Abdýlnasyr Zákirovtyń aqparatyna sáıkes, órtti sóndirýge 10 órt sóndirýshiler toby jáne 2 avtosaty tartylǵan.

Oqıǵa ornynda sondaı-aq, sý resýrstary departamentiniń sý tasýshy 3 kóligi, ІІM qyzmetkerleri, jedel járdem brıgadasy, Jalal-Abad oblysy TJB jedel toby, QR TJM kúrdeli jaǵdaılarda basqarý ortalyǵynyń qyzmetkerleri jumys istep jatyr.

Jalyn sharpyǵan munaı bazasyna jaqyn mańda turatyn 2 myńǵa jýyq qala turǵyny evakýatsııalanǵan.

Tótenshe jaǵdaılar mınıstri Nurbolot Mırzahmedov órtti sóndirý barysyn onlaın baqylap otyr. Mınıstrdiń buıryǵymen tilsiz jaýdy aýyzdyqtaýǵa Osh oblysy TJB órt sóndirýshiler toby qosymsha tartylǵan.

Zardap shekken bar adam bar. 1995 jyly týǵan er adam Jalal-Abad qalalyq aýrýhanasyna jetkizildi.