Qyrǵyzstanda memlekettik apparat sany 30 paıyzǵa qysqarady

BІShKEK. KABAR-QazAqparat – Qyrǵyzstan prezıdenti Sadyr Japarov «Memlekettik apparat sanyn qysqartý týraly» Jarlyqqa qol qoıdy, dep habarlaıdy QazAqparat Kabar agenttigine silteme jasap.

«Memlekettik atqarýshy bılik jáne basqarý organdary qurylymyn ońtaılandyrý, qosarlaýshy jáne artyq fýnktsııalardy joıý, sondaı-aq memlekettik apparatty ustaýǵa qarastyrylǵan bıýdjet qarajatyn únemdeý maqsatynda, Qyrǵyzstan Respýblıkasy Konstıtýtsııasynyń 71-babyn basshylyqqa ala otyryp, Qyrǵyzstan Respýblıkasy Prezıdenti ákimshiligi, mınıstrlikter, memlekettik komıtetter, ákimshilik vedomstvolar, atqarýshy bıliktiń ózge memlekettik organdary, jergilikti memlekettik ákimshilikter, memlekettik organdardyń shtattyq sanyn 30 paıyzǵa qysqartý qaýly etildi», delingen saıtta jarııalanǵan aqparatta.