Qyrǵyzstanda memqyzmetshilerdiń syıaqysyna drondar satyp alyndy

BІShKEK. QazAqparat – Qyrǵyzstanda 2022 jyldyń sońynda memlekettik qyzmetshilerge beriletin toqsandyq syıaqy ýaqytsha toqtatyldy. Ol qarjy zamanaýı áskerı tehnıka satyp alýǵa jumsaǵan. Bul týraly Qyrǵyzstan Prezıdent ákimshiliginiń aqparattyq saıasat qyzmetiniń jetekshisi Daıyrbek Orýnbekov jelidegi paraqshasynda jazdy, dep habarlaıdy QazAqparattyń menshikti tilshisi.

«Batken oblysyndaǵy qarýly qaqtyǵystan keıin respýblıkanyń qarýly kúshteri men qaýipsizdigin nyǵaıtýǵa erekshe kóńil bólinip jatyr. Memlekettik qyzmetshilerdiń syıaqysy eldiń qaýipsizdigine qosqan úles retinde alyndy. «Baıraktar», «Aksýngýr», «Akynjy» jáne «Anka» syndy zamanaýı áskerı tehnıka satyp alynyp, Qyrǵyzstanǵa jetkizildi. Memlekettik qyzmetshiler syıaqy almaı eldiń qaýipsizdigin nyǵaıtýǵa kishigirim úles qosty dep aıtýǵa bolady», - dedi D.Orýnbekov.

Avtory Gúlmıra Ábdirahmanova

Foto: coolsen.ru