Qyrǵyzstanda mektepterden meshitter kóp

ASTANA. QazAqparat - Qyrǵyzstandaǵy meshitter sany orta mektepterden de kóp. Bul jaıly Qyrǵyz Parlamentindegi halyqaralyq ister jónindegi keńestiń otyrysyndaǵy «Qyrǵyzstan Respýblıkasyndaǵy dinge sený bostandyǵy jáne dinı uıymdar» týraly zańyna engiziletin ózgeristerdi talqylaý barysynda Qyrǵyzstannyń Din isteri jónindegi memlekettik komıteti dırektorynyń orynbasary Zakır Chrtaev málimdedi. Bul týraly knews.kg  habarlady.

Depýtattardyń suraqtaryna jaýap bere kele, Chotaev Keńes odaǵy ydyraǵannan keıin Qyrǵyzstanda 39 meshit bolǵandyǵyn, al qazirgi ýaqytta olardyń sany memlekettegi orta mektepter sanynan artyp, 2600-ge jetkendigin atap ótti.

«Sońǵy jyldary respýblıkada jastardyń shetelden dinı bilim alýǵa talpynysy men qoǵamdaǵy dindi radıkalızatsııalaý úrdisi beleń alyp keledi. Jastar kóbine Saýd Arabııasy, Egıpet, Túrkııa, Pákistan, Aýǵanstan, Úndistan jáne Iran elderine dinı bilim alýǵa barady. Ásirese  9-14 jas aralyǵyndaǵy kámelettik jasqa tolmaǵan jastardyń dinı bilim alýǵa attanýy erekshe alańdatady. Tıisti aqparattar men jastardyń shetelden bilim alýǵa ketýine memleket tarapynan baqylaýdyń bolmaýy memlekettiń ulttyq qaýipsizdigine keri áserin tıgizedi», - dedi parlamenttiń baspasóz qyzmetinde DІMK basshysynyń orynbasary.