Qyrǵyzstanda lańkestik uıymdardyń tizimi jyl saıyn jarııalanatyn bolady
09:08, 19 Mamyr 2017
ASTANA. QazAqparat - Qyrǵyz Respýblıkasynyń Prezıdenti Almazbek Atambaev «Terrorızmge qarsy kúres týraly» Zańǵa engizilgen ózgeristerge qol qoıdy. Bul týraly memleket basshysy apparatynyń aqparattyq saıasat bólimi málimdedi, dep habarlaıdy 24.kg.
Onyń deregi boıynsha, qujattyń basty maqsaty - radıkaldy ekstremıstik ıdeologııanyń jastarǵa yqpal etýine jol bermeý jáne qyrǵyz sottary terrorıstik dep tanyǵan uıymdar týraly jurtshylyqty der kezinde habarlandyrý.
Ulttyq qaýipsizdikti qamtamasyz etetin ýákiletti memlekettik organdardyń terrorıstik dep tanylǵan uıymdardyń biregeı tizimin jasaýy jáne ony jyl saıyn merzimdi baspasóz betteri men memlekettik organdardyń resmı saıttarynda jarııalaý týraly ózgerister engizý usynyldy.
Zańdy Qyrǵyzstan Respýblıkasynyń Jogorký Keneshi 2017 jyldyń 5 sáýirinde qabyldady.