Qyrǵyzstanda qazaqstandyq kontrabandalyq un tıelgen kólik ustaldy
17:42, 28 Qyrkúıek 2015
BІShKEK. QazAqparat - QR ІІM-niń qyzmetkerleri qazaqstandyq undy qujattarsyz shekara arqyly kontrabandalyq jolmen kirgizý faktisin anyqtady.
Bul týraly búgin vedomstvonyń baspasóz qyzmetinen habarlady.
Málimetter boıynsha, jedel qyzmetkerler Shý oblysyndaǵy «Aq tilek» kedendik beketindegi salmaqty ólsheý ornynda Qazaqstan azamatynyń júk kóligin toqtatty. Kóliktiń ishinde Qazaqstanda shyǵarylǵan un qaptary jatty. Júktiń jalpy salmaǵyn anyqtaý úshin tirkemesi bar kólik tarazyǵa jiberildi. Unnyń salmaǵy shamamen 41 myń 800 kelini qurady, al ilespe qujatqa sáıkes ol 18 tonnadan aspaýy tıis bolǵan.
Júk ıesiniń aıtýynsha, ol undy Qazaqstan aýmaǵyndaǵy Qordaı aýylynan alyp, Qyrǵyzstanda satpaqqa nıettengen.
Júk tıelgen kólik Kant qalasynyń aıyppul turaǵyna qoıldy. Tekserý júrgizilip jatyr.