Qyrǵyzstanda qaıtys bolǵan adamnyń denesin soıyp, tekserýge týystary ruqsat bermeıdi

BІShKEK. QazAqparat - Qyrǵyzstanda bosaný ústinde qaıtys bolǵan áıeldiń týystary onyń denesin tekserýge ruqsat bermeı otyr. Bul týraly analar densaýlyǵyn jaqsartý máseleleri boıynsha jumys semınarynda dáriger Sveta Baıtıkova málim etti, dep jazady Kabar. 

Onyń aıtýynsha, ana óliminiń 148 jaǵdaıynda tek 6 áıeldiń denesi tekserýden ótedi.

«Bul óte kúrdeli másele jáne ol bir kúnniń ishinde sheshilmeıdi. Degenmen, bul máseleni jyly jaýyp qoıa salýǵa bolmaıdy. Ony sheshý qajet», - dedi Baıtıkova.

Búgingi tańda ana ólimi jaǵdaıynda máıittiń barlyǵyn 100% soıyp, tekserýge ruqsat alý úshin «Qyrǵyzstan Respýblıkasy azamattarynyń densaýlyǵyn qorǵaý týraly» Zańnyń 43-babyna túzetý engizý qajet. Sol arqyly júkti kezde, bosanyp jatqanda jáne bosanǵannan keıin 42 kún ishinde qaıtys bolǵan áıeldiń týystarynyń máıitti tekserýden bas tartýyna múmkindik bermeý kerek.

«Biz kórshi elderdiń jaqsy tájirıbesine súıene alamyz. Mysaly, Qazaqstan Respýblıkasynda áıelder júkti kezinde, bosanǵanda jáne bosanǵannan keıingi kezeńde qaıtys bolsa, olardyń denesin mindetti túrde 100% tekserý mindettelgen. Olardyń máıitin respýblıkalyq deńgeıdegi maman ǵana kesip, teksere alady. Bul ana óliminiń sebebin tolyqtaı anyqtaýǵa múmkindik beredi. Osy arqyly Qazaqstanda ana óliminiń deńgeıi aıtarlyqtaı tómendedi», - dep habarlanǵan esepte.