Qyrǵyzstanda halyqaralyq etnokarnaval ótip jatyr
Etnokarnavalǵa Qyrǵyzstan, Qazaqstan, Reseı jáne Ózbekstannan 500 bala qatysyp jatyr.
Maqsat – Qyrǵyzstan men TMD elderiniń etnomádenı erekshelikterin zertteý, jandandyrý jáne saqtaý, dostyq qarym-qatynas ornatý. Sondaı-aq, balalardyń kórkemdik, mýzykalyq, vokaldyq, horeografııalyq sheberlikterin damytý.
Etnokarnaval Bishkekte sherýden bastalyp, Ystyqkólge baǵyt aldy. Baǵdarlama boıynsha mýzykalyq qoıylymdar, qatysýshy elder sheberleriniń horeografııa, vokal, halyq aspaptary jónindegi sheberlik saǵattary qarastyrylǵan.
Іs-shara aıasynda «Ystyqkól dostardy jınaıdy-2022» VII Halyqaralyq balalar shyǵarmashylyǵy baıqaýy ótedi.
Bıyl alǵash ret «Teatr óneri» nomınatsııasy boıynsha baıqaý uıymdastyrylmaq. Quramynda túrli elderdiń jetekshi mamandary bar qazylar alqasy konkýrsqa qatysýshylardyń shyǵarmashylyǵyn, eńbeksúıgishtigin, oryndaý sapasyn, sahnadaǵy sheberligin baǵalaıdy.