Qyrǵyzstanda ǵarysh agenttigi qurylýy múmkin

ShOLPAN-ATA. QazAqparat - Qyrǵyzstan úkimetinde respýblıkanyń Ulttyq ǵylym akademııasy janynan ǵarysh agenttigin qurý máselesi qaralýda.

Bul týraly Sholpan Ata qalasynda ótip jatqan Jerdi ǵaryshtan baqylaý boıynsha ІІ halyqaralyq sımpozıýmda Qyrǵyz Respýblıkasynyń UǴA akademıgi Ábdiǵanı Erkebaev habarlady.

Qyrǵyz eliniń bas ǵalymdarynyń biri Qyrǵyzstandaǵy ǵarysh salasynyń damýyndaǵy ǵylym akademııasynyń rólin atap ótti. «Bizdiń ǵalymdarymyzdyń bul saladaǵy kóp jyldyq talpynystary sátti aıaqtalyp, Ystyqkóldegi forým Qyrǵyzstanda ǵarysh agenttiginiń qurylatyn kúnin jaqyndatady dep úmittenemiz», - dedi Á.Erkebaev.