Qyrǵyzstanda fonogrammamen án aıtýǵa tyıym salyndy

BІShKEK. QazAqparat - Qyrǵyzstanda 2023 jyldyń qańtarynan bastap fonogrammamen án aıtýǵa tyıym salyndy. Tıisti buıryqqa Qyrǵyzstan Respýblıkasynyń Mádenıet, aqparat, sport jáne jastar saıasaty mınıstri qol qoıdy, dep habarlaıdy QazAqparat tilshisi vedomstvonyń baspasóz qyzmetine silteme jasap.

Qujatta barlyq memlekettik mádenı-aǵartý mekemeleri, atap aıtqanda, teatr, sport mekemeleri, fılarmonııa, kontserttik zal, kınoteatr, klýb, murajaılar, mınıstrlik qaramaǵyndaǵy kitaphanalarda ótkiziletin kontsertterdegi vokaldyq qoıylymdardyń barlyǵynda jandy daýyspen óner kórsetý kerektigi aıtylǵan.

Buıryq 1 qańtardan bastap kúshine endi. Onyń oryndalýyna jaýapkershilik osy mekemelerdiń basshylaryna júkteledi. Buıryqtyń oryndalýyn mınıstr qadaǵalaıtyn bolady.

Ashyq kózderden alynǵan foto