Qyrǵyzstanda elektr energııasynyń tarıfi kóteriledi

BІShKEK. QazAqparat – Qyrǵyzstanda 1 mamyrdan bastap turǵyndar úshin elektr energııasy 0,77-den 1 somǵa deıin qymbattaıdy. Mundaı jarlyqqa QR Mınıstrler kabıneti qol qoıdy, dep habarlaıdy QazAqparattyń menshikti tilshisi.

Qujatqa sáıkes, saǵatyna 700 kVt elektr energııasyn paıdalanǵan jaǵdaıda, 1 kVt quny burynǵysha 2,16 som/kVtsaǵ kúıinde qalady. Muqtaj otbasylar men azamattar úshin de baǵa ózgermeıdi – 50 tıyn. Al shekteýsiz paıdalaný (qýaty shekteýsiz) 5,04 som/kVtsaǵ-tan 3,28 som/kVtsaǵ-qa arzandady.

Tarıfterdi ózgertý sharasy eldiń energetıka qaýipsizdigin qamtamasyz etý, tutyný kólemi qatty artqanyna qaramastan turǵyndardy elektrmen toqtaýsyz jabdyqtaý jáne eskirgen qurylǵyny modernızatsııalaýǵa baǵyttalǵan.

Qyrǵyzstan TMD elderi arasynda elektr energııasy eń arzan elderdiń biri. Elektr energııasyn tutyný jyl saıyn artyp jatqandyqtan el jetispeıtin kólemdi kórshiles elderden ımporttaýǵa májbúr.

Gúlmıra Ábdirahmanova