Qyrǵyzstanda elektr energııasynyń baǵasy 30 paıyzǵa ósedi

BІShKEK. QazAqparat – Qyrǵyzstanda 2023 jyldyń 1 mamyrynan bastap elektr energııasyna jańa tarıf engiziledi. Mundaı qaýlyny Qyrǵyzstan mınıstrler kabıneti qoǵamdyq talqylaýǵa shyǵardy, dep habarlaıdy QazAqparat menshikti tilshisi Qyrǵyzstan mınıstrler kabınetine silteme jasap.

Qujatqa sáıkes, tapshylyq jaǵdaıynda halyqty elektr energııasymen senimdi jáne úzdiksiz qamtamasyz etý maqsatynda 2015 jyldan beri ózgermegen tarıfti 1 kVtsaǵ úshin 77 tyıynnan 1 somǵa deıin (shamamen 3,94 teńgeden 5,12 teńgege deıin) 29,9%-ǵa qymbattatý usynylǵan.

Bul rette sondaı-aq elektr energııasyn tutynýdyń aı saıynǵy kóleminiń shekti shegi 700-den 1500 kVtsaǵ-qa deıin ulǵaıady, osy lımıtten asqan jaǵdaıda 1 kılovatt-saǵat úshin 2,16 som (11,05 teńge) aqy alynady.

Bıik taýly aýdandarda jáne shalǵaı aýdandarda turatyn el azamattary úshin elektr energııasyn aı saıyn 1500 kVt.saǵ jeńildikpen tutyný shegi ornatylmaıdy.

16 jasqa deıingi balalary bar jáne «ýı-býlogo komok» aı saıynǵy áleýmettik járdemaqy alatyn az qamtylǵan otbasylar úshin elektr energııasyna tarıf burynǵy deńgeıde 50 tyıyn/ kVtsaǵ (shamamen 2,56 teńge), tutyný lımıti aıyna 1 500 kVtsaǵ deıin saqtalady.

Elektr energııasyna tarıfter jyl saıyn ınflıatsııa deńgeıin eskere otyryp ózgeretin bolady.