Qyrǵyzstanda EAEO elderi úkimet basshylarynyń otyrysy ótedi

BІShKEK. QazAqparat – 2022 jylǵy 25-26 tamyz aralyǵynda Qyrǵyzstannyń Sholpan-Ata qalasynda Eýrazııalyq úkimetaralyq keńestiń (EÚAK) kezekti otyrysy ótedi, dep habarlaıdy QazAqparat menshikti tilshisi Qyrǵyzstan Mınıstrler kabınetiniń baspasóz qyzmetine silteme jasap.

Qyrǵyz tarapynyń tóraǵalyǵymen ótetin is-sharaǵa Eýrazııalyq ekonomıkalyq odaq (EAEO) elderiniń úkimet basshylary, baqylaýshy mártebesi bar memleketter, Eýrazııalyq ekonomıkalyq komıssııa alqasynyń tóraǵasy, sondaı-aq shaqyrylǵan memleketterdiń úkimet basshylary qatysady.

Kezdesý barysynda qatysýshylar ıntegratsııalyq birlestiktiń ortaq gaz naryǵyn qalyptastyrý, ónerkásiptik kooperatsııany qarjylandyrý, alkogol naryǵyn retteý, Eýrazııalyq qaıta saqtandyrý kompanııasyn qurý máselelerin talqylaıdy. Sonymen qatar joǵary deńgeıdegi birqatar ekijaqty jáne kópjaqty kezdesýler kútilýde.

Budan buryn habarlanǵandaı, 25-26 tamyzda Sholpan-Ata qalasynyń «Rýh Ordo» mádenı ortalyǵynda alǵash ret EÚAK otyrysyna oraılastyrylǵan TMD jáne EAEO jastarynyń forýmy ótedi. Oǵan kezdesýge qatysýshy elderden 200-den astam delegat qatysady.