Qyrǵyzstanda dızeldik otyn baǵasy qymbattaýy múmkin

BІShKEK. QazAqparat - Qyrǵyzstanda dızeldik otynnyń baǵasy taǵy kóterilýi múmkin, dep habarlaıdy QazAqparat tilshisi Qyrǵyzstan Respýblıkasynyń monopolııaǵa qarsy retteý qyzmetine silteme jasap.

Reseı munaı óńdeý zaýyttarynyń baǵanyń ósýi jaǵdaıynda dızel otyny eksporty kóleminiń qysqarýyna baılanysty Qyrǵyzstannyń janar-jaǵarmaı naryǵynyń iri operatorlary ishki naryqtaǵy dızel otynyna baǵany kóterýge májbúr ekenderin aıtty. Janarmaı jetkizýshileri men tutynýshylar múddeleriniń teńdigin qamtamasyz etý maqsatynda eldiń monopolııaǵa qarsy retteý qyzmeti óz ókilettikteri sheńberinde munaı treıderlerine tıisti usynymdar shyǵardy, sondaı-aq ýákiletti memlekettik organǵa jiberilgen sharalar kesheni ázirlendi.

Jyl basynan beri dızel otynynyń satý baǵasy tonnasyna 600 dollar, AI-92 markaly benzın tonnasyna 370 dollar deńgeıinde bekitildi. Sońǵy aıda reseılik munaı óńdeý zaýyttarynyń dızel otynyn kóterme satý baǵasy ósken.

Foto: economictimes.indiatimes.com