Qyrǵyzstanda dinı ekstremıstik uıym músheleri qatelerin túsinip, ózgelerge úndeý jasady

BІShKEK. QazAqparat – Qyrǵyzstannyń memlekettik ulttyq qaýipsizdik komıteti Ystyqkól oblysynda «Hızb-ýt-Tahrır» (Qazaqstanda tyıym salynǵan – red.) dinı ekstremıstik uıymy múshelerin raıynan qaıtarý sharalaryn júrgizdi, dep habarlaıdy QazAqparat «Kabarǵa» silteme jasap.

Komıtettiń baspasóz qyzmeti taratqan málimetke sáıkes, profılaktıkalyq sharalar júrgizý nátıjesinde sotpen tyıym salynǵan «Hızb-ýt-Tahrır» dinı ekstremıstik uıymynyń jaqtastary 13 shildede ózderiniń tańdaǵan baǵyty qate ekenin túsinip, ekstremıstik ıdeıalardan bas tartqan. Sondaı-aq, azamattardy osy dinı ekstremıstik uıym músheleriniń zańsyz shaqyrýlaryna ermeýge shaqyrdy.