Qyrǵyzstanda benzın arzandaýy múmkin

BІShKEK. QazAqparat – Qyrǵyzstanda 2023 jyldyń qańtarynan bastap janarmaıdyń kóterme baǵasy arzandap jatyr, dep habarlaıdy QazAqparattyń menshikti tilshisi QR Antımonopolııany retteý qyzmetine silteme jasap.

Mekemeniń habarlaýynsha, aldaǵy aıda baǵany kezeń-kezeńimen tómendetý nátıjesinde, eldiń iri munaı treıderleri tarıf saıasatyn qaıta qarap, janar-jaǵarmaı materıaldarynyń (JJM) 1-1,5 aıǵa jetetin qory bolsa janarmaı baǵasyn 5-6 somǵa túsiredi.

Monıtorıng dereginshe, bıylǵy qańtarda AI-92 markaly janarmaıdyń ortasha baǵasy byltyrǵy jyldyń osy kezeńimen salystyrǵanda 1,2 somǵa arzandady. Degenmen dızel otynynyń ortasha bólshek baǵasy, kerisinshe, bir jyl ishinde 58,8-den 74,1 somǵa qymbattady.

Sondaı-aq, jergilikti BAQ-tyń habarlaýynsha, sarapshylar janarmaı baǵasy 1,5-2 somnan artyqqa arzandamaıdy degen boljam jasap otyr. QR-nyń JJM naryǵynda tabıǵı monopolııa qurylǵan, otynnyń basym bóligi Reseıden keledi. Benzın baǵasyna qatysty jaǵdaı naryq transformatsııalanǵanda ǵana ózgerýi múmkin.

Gúlmıra Ábdirahmanova