Qyrǵyzstan týrısterdi kirgizý algorıtmin bekitti

BІShKEK. KABAR-QazAqparat – Qyrǵyzstan úkimeti týrıster men azamattyǵy joq tulǵalardy el aýmaǵyna kirgizý algorıtmin bekitti. Bul týraly Qyrǵyzstannyń Ekonomıka jáne qarjy mınıstrligi janyndaǵy Týrızm departamentinen málim etti, dep habarlaıdy QazAqparat KABAR agenttigine silteme jasap.

Qyrǵyz eline kelýshilerdiń qolynda:

- PTR-testiń teris nátıjesi kórsetilgen anyqtama (synama júrgizilgennen 72 saǵattan aspaýy tıis)

- nemese COVID-19 vırýsyna qarsy vaktsına alǵanyn rastaıtyn qujat (qaǵaz nemese elektrondy úlgide) bolýy tıis.

«Bes jastan asqan balalardy da ata-analary joǵaryda atalǵan qujattarmen qamtamasyz etýi tıis.

Vaktsına alǵan azamattar (týrısteer) elge áýe jolymen 2021 jyldyń 19 maýsymynan, al jerústi jolmen 11 maýsymnan bastap kele alady», - dep jazady agenttik.