Qyrǵyzstan taýyndaǵy týrısterdi qutqarý vıdeosy jarııalandy

ALMATY. QazAqparat - QR ІІM TJK Qyrǵyzstan taýyndaǵy týrısterdi qutqarý operatsııasynyń vıdeosyn jarııalady, dep habarlaıdy QazAqparat tilshisi.

Vıdeoda Respýblıkalyq qutqarý jasaǵynyń ekıpajy Skrıabın muzdyǵyna qonyp, tas kóshkininen zardap shekkenderdi qutqaryp jatqany kórinis tapqan. 

Aıta ketý kerek, búgin tús áleýetinde Bishkek mańyndaǵy taýda tas kóshkininen zardap shekken týrıster Almaty áýejaıyna jetkizilgen bolatyn. 

2 naýqas jedel járdem dárigerlerine qaralyp, aýrýhanaǵa barýdan bas tartty. Qalǵan 4 naýqas №4 klınıkalyq aýrýhanaǵa jetkizildi. 

Eske salaıyq, 30 shildede Qyrǵyzstan aýmaǵynda Bishkek qalasynan 40 shaqyrym qashyqtyqta Skrıabın muzdyǵy aýdanynda bir top týrıst tas kóshkinine tap bolǵan edi. Zardap shegýshilerdiń arasynda tórt Qazaqstan azamaty bar. QR Syrtqy ister mınıstrligi Qyrǵyzstandaǵy tasqulama kezinde qazaqstandyqtyń mert bolǵanyn rastady.