Qyrǵyzstan sheteldikter úshin karantın talaptaryn aıtarlyqtaı jeńildetti

BІShKEK. QazAqparat - Qyrǵyzstanda shetel azamattary men azamattyǵy joq adamdardyń elge kirýine arnalǵan karantındik rejım jumsartyldy, dep habarlaıdy QazAqparat Qyrǵyzstan Respýblıkasy Syrtqy ister mınıstrliginiń baspasóz qyzmetine silteme jasap.

Qyrǵyzstannyń mınıstrler kabınetiniń 2022 jylǵy 30 sáýirdegi sheshimine sáıkes shetel azamattary men azamattyǵy joq adamdardyń elge kirýine qoıylǵan shekteýler alyndy. Sheteldik azamattar men azamattyǵy joq adamdar Qyrǵyz Respýblıkasyna zańnamada belgilengen tártippen Qyrǵyz Respýblıkasynyń memlekettik shekarasyndaǵy jerústi jáne áýe halyqaralyq ótkizý pýnktteri arqyly kele alady.
PTR synamasynyń teris nátıjelerin nemese vaktsınatsııa sertıfıkatyn mindetti túrde tapsyrýǵa qatysty sanıtarlyq-karantındik talaptar da joıyldy.