Qyrǵyzstan sheteldik mamandarǵa «Tsıfrlyq kóshpendi» mártebesin beredi

BІShKEK. QazAqparat - Qyrǵyzstanda shet elderdiń 600-den astam IT mamany «Tsıfrlyq kóshpendi» mártebesin alý úshin ótinim bergen, dep habarlaıdy QazAqparat tilshisi Qyrǵyz Respýblıkasynyń Eńbek, áleýmettik qamsyzdandyrý jáne kóshi-qon mınıstrligine silteme jasap.

Bul mártebe sheteldik IT-mamandarǵa Qyrǵyzstan aýmaǵyna vızasyz kelýge múmkindik beredi. Sondaı-aq kelgennen keıin tirkeýden ótýdiń qajeti joq. Al jumysqa ornalasý úshin ruqsat qujattary talap etilmeıdi. Sonymen qatar «Digital Nomad» mártebesi jeke sáıkestendirý nómirin (JSN) avtomatty túrde alýǵa, sondaı-aq ádilet jáne salyq salý salasyndaǵy ýákiletti memlekettik organdarda ońaılatylǵan tártipte qyzmet alýǵa múmkindik beredi.

«Tsıfrlyq kóshpendi» mártebesin alýǵa Qazaqstan, Ázerbaıjan, Armenııa, Belarýs, Moldova jáne Reseıdiń tsıfrlyq tehnologııa salasynda qyzmet etetin azamattary ótinim bere alady.

Mártebe arnaıy QR-kody bar elektrondy qujat túrinde beriledi.

«Tsıfrlyq kóshpendi» mártebesin berý týraly ýaqytsha ereje 2023 jyldyń 31 jeltoqsanyna deıin kúshinde.