Qyrǵyzstan Prezıdenti eldiń Premer-Mınıstri men úkimetin taǵaıyndaý týraly jarlyqtarǵa qol qoıdy

ASTANA. QazAqparat - Qyrǵyzstan Prezıdenti Almazbek Atambaev Temir Sarıevti eldiń Premer-Mınıstri etip taǵaıyndaý jáne onyń kabınetin bekitý týraly Jarlyqqa qol qoıdy.

Búgin, 2015 jyldyń 2 mamyrynda Qyrǵyzstan Respýblıkasynyń Prezıdenti Almazbek Atambaev Qyrǵyz Respýblıkasynyń Premer-Mınıstri men Qyrǵyz Respýblıkasynyń Úkimet múshelerin taǵaıyndaý týraly jarlyqtarǵa qol qoıdy. Bul týraly Qyrǵyzstan Respýblıkasy Prezıdentiniń baspasóz qyzmetinen habarlady. Jarlyqtarǵa sáıkes Sarıev Temir Argembaıuly Qyrǵyz Respýblıkasynyń Premer-Mınıstri; Sarpashev Taıyrbek Dýıshekeuly - Qyrǵyz Respýblıkasynyń birinshi vıtse-premer-mınıstri bolyp taǵaıyndaldy. Úkimet qurylymy burynǵy qalpynda qaldy. Tek kólik jáne kommýnıkatsııa mınıstri bolyp Argynbek Malabaev, ekonomıka mınıstri bolyp Oleg Pankratov jáne qarjy mınıstri bolyp Adylbek Kasymalıev taǵaıyndaldy.