Qyrǵyzstan Premer-mınıstri otstavkaǵa ketýge ótinish berdi

ASTANA. QazAqparat - Qyrǵyzstan Respýblıkasynyń Premer-mınıstri Joomart Otorbaev otstavkaǵa ketýge ótinish bildirdi. Óz sheshimi jaıly Otorbaev beısenbide 2014 jylǵy úkimettiń qyzmeti týraly esep berý kezinde málim etti.

«Úkimettiń ótken jylǵy esebin qanaǵattanarlyq deńgeıde qabyldaǵandaryńyzǵa rahmet. Bul bir adamnyń isi emes, tutas komandanyń eńbegi. Iá, qıyndyqtar boldy, degenmen biz qarapaıym adamdardyń máselelerin sheshýge tyrysyp, halyq aldynda alǵan barlyq mindettemelerdi oryndaýǵa kúsh-jigerimizdi saldyq dep oılaımyn jáne resmı túrde bul oryntaqtan otstavkaǵa ketetinim jaıly málimdegim keledi. Bul sheshimdi jan-jaqty oı eleginen ótkizip qabyldadym», - dedi J.Otorbaev. Otorbaev táýelsizdik alǵannan beri Qyrǵyzstannyń 26-shy premer-mınıstri bolyp tabylady.