Qyrǵyzstan men Qazaqstannyń SІM basshylary shekaradaǵy máselelerdi talqylady
19:01, 22 Shilde 2018
BІShKEK. QazAqparat - Qyrǵyzstan Syrtqy ister mınıstri Erlan Abdyldaev pen Qazaqstannyń syrtqy saıası vedomstvosynyń basshysy Qaırat Ábdirahmanov yqpaldastyqtyń ózekti máselelerin talqylady, dep habarlaıdy «Kabar» agenttigi Qyrǵyzstan SІM-niń baspasóz qyzmetine silteme jasap.
Abdyldaev pen Ábdirahmanovtyń ekijaqty kezdesýi 2018 jyldyń 20-22 shildesi aralyǵynda Yssyq-Kólde ótip jatqan Ortalyq Azııa elderi Syrtqy ister mınıstrleriniń kezdesýi sheńberinde ótti.
Eki eldiń SІM basshylary qyrǵyz-qazaq yqpaldastyǵynyń ózekti máselelerin, sonyń ishinde kólik jáne kommýnıkatsııa, saýda-ekonomıkalyq jáne mádenı-gýmanıtarlyq baǵyttardy talqylady. Sondaı-aq aldaǵy ýaqyttaǵy joǵarǵy deńgeıdegi saparlardyń kúntizbelik jospary sóz boldy.
Budan bólek, Qyrǵyzstan men Qazaqstannyń shekaralaryndaǵy ótkizý beketteriniń jumysyna, eki el azamattarynyń quqyqtary men múddelerin qorǵaýǵa erekshe nazar aýdaryldy.