Qyrǵyzstan men Ázerbaıjan birlesken damý qoryn qurady

BІShKEK. Kabar- QazAqparat – Qyrǵyzstan Jogorký Keneshiniń Bıýdjet, ekonomıkalyq jáne fıskaldyq saıasat komıteti qyrǵyz-ázerbaıjan damý qoryn qurý týraly kelisim jobasyn maquldady, dep habarlaıdy QazAqparat Kabar agenttigine silteme jasap.

Jogorký Kenesh baspasóz qyzmetiniń málimetinshe, bul másele boıynsha aqparatty Ekonomıka jáne saýda vıtse-mınıstri Qanat Ábdirahmanov usyndy. Kelisim jobasy negizinde Qyrǵyzstan men Ázerbaıjan arasynda jarǵylyq kapıtaly 25 mln AQSh dollaryn quraıtyn birlesken ekijaqty ınvestıtsııalyq qor qurý usynylady. Jarǵylyq kapıtaldy Ázerbaıjan tarapy qosqan jáne ony 50 mln dollarǵa deıin ulǵaıtý josparlanýda.

Qordyń shtab-páteri Bishkek qalasynda ornalasady. Qordy qurý ınvestıtsııalyq saladaǵy yntymaqtastyqty jandandyrý men keńeıtýge serpin beretini atap ótildi.

Foto:kabar.kg