Qyrǵyzstan koronavırýstyń tórtinshi tolqynyna daıyndalyp jatyr
11:52, 07 Qazan 2021
BІShKEK. KABAR-QazAqparat – COVID-19 juqtyrýdyń anyqtalǵan jaǵdaılar sanynyń ósýi baıqalady, bul tórtinshi tolqyn bastalǵanyn kórsetýi múmkin. Bul týraly Úkimet úıinde ótken brıfıngide Aýrýlardyń aldyn alý jáne memlekettik sanepıdqadaǵalaý departamenti Zerthanalyq synaqtar ortalyǵynyń bastyǵy Aıgúl Jumaqanova málim etti, dep habarlaıdy QazAqparat Kabar agenttigine silteme jasap.
Onyń aıtýynsha, jyl saıyn elde qarasha-jeltoqsan aılarynda tumaý men JRVI juqtyrýshylar sany artady.
«Bul koronavırýs ınfektsııasynyń tórtinshi tolqynymen sáıkes kelýi múmkin degen boljamdar bar. Azamattardy qaýipsizdik sharalaryn saqtaýǵa jáne buqaralyq is - sharalarǵa qatysýdan bas tartýǵa shaqyramyn», - dedi ol.
Ol sonymen qatar halyqty COVID-19-ǵa qarsy vaktsınatsııadan ótýge úndedi.