Qyrǵyzstan Іle-Alataý ulttyq saıabaǵyndaǵy teraktige qatysy bar kúdiktini Qazaqstanǵa tapsyratyn boldy
12:01, 12 Shilde 2013
ASTANA. 12 shilde. QazAqparat - Qyrǵyzstan Іle-Alataý ulttyq tabıǵı saıabaǵynda jasalǵan qylmysqa qatysty degen kúdiktini Qazaqstanǵa tapsyrady.
Bul týraly búgin Astanada prokýratýra organdarynyń birinshi jartyjyldyqtaǵy jumysynyń qorytyndysyna arnalǵan alqa májiliste QR Bas prokýrory Ashat Daýylbaev málim etti.
«TMD elderiniń tyǵyz yntymaqtastyǵynyń arqasynda, Іle-Alataý ulttyq saıabaǵyndaǵy teraktige qatysty izdeýde júrgen Saıan Haırovty berý jónindegi qoldaýhatty Qyrǵyzstan bıyl qanaǵattandyrdy»,-dedi Bas prokýror A. Daýylbaev.
Esterińizge sala keteıik, byltyr 13-14 tamyzda Іle-Alataý ulttyq tabıǵı saıabaǵynda pyshaq jaraqattary bar 6 máıit, keıin órtenip ketken ormanshynyń úıinen 5 adamnyń máıitteri tabyldy. Al tamyzdyń sońynda qylmystyń 12-shi qurbany bolǵan azamattyń janyp ketken denesi tabyldy.