Qyrǵyzstan azamaty Túrkııadaǵy jer silkinisi kezinde qaıtys boldy

BІShKEK. QazAqparat – Túrkııada bolǵan jer silkinisinen qyrǵyz azamaty qaza tapty, dep habarlaıdy QazAqparat menshikti tilshisi Qyrǵyzstan Respýblıkasy Syrtqy ister mınıstrliginiń baspasóz qyzmetine silteme jasap.

«11 aqpanda rastalǵan aqparatqa sáıkes, 2023 jyldyń 6 aqpanynda Túrkııa Respýblıkasynyń ońtústik-shyǵysynda bolǵan jer silkinisteri saldarynan Qyrǵyzstan Respýblıkasynyń azamaty Hataıda qaıtys bolǵanyn qaıǵymen habarlaımyz. Marqumdy týystary tanydy», - dep habarlaıdy Qyrǵyzstan Respýblıkasy Syrtqy ister mınıstrliginen.

Vedomstvonyń habarlaýynsha, Qyrǵyzstannyń Antalıa qalasyndaǵy Bas konsýldyǵynyń ókilderi marqumnyń máıitin eline jóneltýge jáne qujattaryn rásimdeýge kómektesý úshin Hataıda júr.

Buǵan deıin Qazaqstan qutqarýshylaryn aparǵan bortpen Túrkııadan 16 qazaqstandyq jáne 2 Qyrǵyz Respýblıkasynyń azamaty Astanaǵa jetkiziletini, Gazıantep qalasynan arnaıy bortpen Qazaqstannyń 42, Qyrǵyzstannyń 22 azamaty evakýatsııalanǵany habarlanǵan bolatyn.

Zilzala saldaryn joıýǵa kómektesý úshin Qyrǵyzstan Túrkııaǵa eldiń Tótenshe jaǵdaılar mınıstrliginiń 63 qyzmetkerin, sondaı-aq qosymsha 100 qutqarýshy, kıiz úı jáne gýmanıtarlyq kómek jiberdi.

Foto: mfa.gov.kg