Qyrǵyzstan altyny bar ken men kontsentratyn eksporttaýǵa moratorıı jarııalaıdy

BІShKEK. QazAqparat – Qyrǵyzstanda 2023 jyldyń 1 mamyrynan bastap quramynda altyny bar ken men kontsentratyn eksporttaýǵa ýaqytsha tyıym salady. Tıisti jarlyqqa memleket basshysy qol qoıdy, dep habarlaıdy QazAqparat menshikti tilshisi Qyrǵyzstan Respýblıkasy Prezıdentiniń baspasóz qyzmetine silteme jasap.

Bul rette Qyrǵyzstan aýmaǵynda óndirilgen quramynda altyny bar ken jáne kontsentratty óńdeýge aıryqsha quqyq «Qara-Balta taý-ken kombınaty» AAQ-na beriledi.

Moratorıı alty aı merzimge engiziledi.

Jarlyqqa sáıkes, Qyrǵyzstan úkimetine ýaqytsha tyıym salýdy 2023 jyldyń 1 qarashasynan bastap alty aı saıyn uzartý tapsyryldy.

Qyrǵyzstan Respýblıkasynyń memlekettik keden jáne shekara qyzmetterine sheshimdi oryndaý boıynsha qajetti sharalar qabyldaý tapsyryldy.

Buǵan deıin habarlanǵanyndaı, Qyrǵyzstanda kómirdi elden tys jerlerge avtokólikpen shyǵarýǵa ýaqytsha tyıym salyndy.

Foto: wallup.net