Qyrǵyzstan 20 mln dollarǵa qytaılyq Sinopharm vaktsınasyn satyp almaq

BІShKEK. KABAR-QazAqparat – Qyrǵyzstan Dúnıejúzilik banktiń qarajatyna COVID-19-ǵa qarsy qytaılyq vaktsına satyp almaq. Bul týraly «Bırınchı radıo» efırinde Densaýlyq saqtaý jáne áleýmettik damý mınıstri Alymkadyr Beıshenalıev aıtty, dep habarlaıdy QazAqparat «Kabar» agenttigine silteme jasap.

«Biz keshe Dúnıejúzilik bankpen jáne donorlarmen onlaın-konferentsııa ótkizdik. Onyń nátıjesinde kelisimge qol qoıyldy. Dúnıejúzilik bank bizge koronavırýsqa qarsy vaktsınany satyp alý úshin 20 mln dollar bóledi. Dúnıejúzilik densaýlyq saqtaý uıymy rastaǵan preparattar ishinde vaktsınany ózimiz tańdaımyz. Onda «Sputnik V» reseılik vaktsınasy joq, alaıda tizimde qytaılyq «Sınofarm» vaktsınasy bar, biz sony satyp alamyz», - dedi mınıstr.