Qyrǵyz UQK qazaq-qyrǵyz shekarasyndaǵy kólik keptelisine túsinik berdi
20:56, 21 Tamyz 2023
BІShKEK. QazAqparat – Qazaqstan men Qyrǵyzstan shekarasyndaǵy «Aq-Tilek-avtodorojnyı» baqylaý-ótkizý pýnktiniń aldynda júk kólikteri keptelip tur, dep habarlaıdy QazAqparat tilshisi.
Qyrǵyzstan UQK kekara qyzmetiniń málimetinshe, 21 tamyzdaǵy jaǵdaı boıynsha Qyrǵyzstannan shyǵýǵa memlekettik shekaradan ótýge kezekte 370-ke jýyq avtokólik tur.
Qyrǵyz Respýblıkasynyń Shý oblysyndaǵy shekara ókilderi avtokólik quraldaryn baıaý ótkizý sebepterin anyqtaý úshin qazaqstandyq áriptestermen kezdesý máselesin pysyqtap jatyr.
Osylaısha saǵat 09:00-den bastap 18:00-ge deıin qazaq-qyrǵyz shekarasy arqyly 3 kólik qana ótken.
Qyrǵyzstan UQK kekara qyzmetiniń habarlaýynsha, Qyrǵyzstan tarapynan ótkizý pýnktileri kúndelikti rejımde jumys istep tur, eshqandaı shekteý joq.