Qyrǵyz-tájik shekarasyndaǵy jaǵdaı: 13 adam kóz jumdy

BІShKEK. Kabar-QazAqparat –Qyrǵyz-tájik shekarasyndaǵy oqıǵa saldarynan 13 adam mert bolyp, 134 adam jaraqat alǵan. Bul týraly Qyrǵyzstan densaýlyq saqtaý mınıstrligi málimdedi, dep habarlaıdy QazAqparat Kabar agenttigine silteme jasap.

Vedomstvo dereginshe, 13 adam qaıtys bolǵan.

Sonymen qatar 25 zardap shekken adam arnaıy bortpen Batkennen Bishkekke jetkizilip, Bishkek travmotolgııa jáne ortopedııa ǵylymı-zertteý ortalyǵy, Ulttyq gospıtal jáne Ulttyq hırýrgııa ortalyǵyna jatqyzylǵan. Eki adamnyń jaǵdaıy aýyr, qalǵandarynyń jaǵdaıy ortasha deńgeıde jáne qanaǵattanarlyq.

Eske sala ketsek, 28 sáýir kúni Qyrǵyzstan men Tájikstan shekarasynda eki el turǵyndary ózara kelispeı, qaqtyǵys bastaldy. Qyrǵyzstannyń Batken oblysynyń Batken aýdanynyń «Golovnoı» eldi mekeninde jaǵdaı shıelenisip ketti. Qyrǵyz tarapy qaqtyǵys aımaǵynan 848 adam kóshirilgenin málim etti.

Qyrǵyzstan men Tájikstan 29 sáýirde saǵat 20:00-den bastap atysty toqtatý týraly kelisimge keldi.

Sondaı-aq, Qazaqstan Prezıdenti qyrǵyz-tájik memlekettik shekarasyndaǵy jaǵdaıǵa baılanysty málimdememe jasady.