Qyrǵyz tasymaldaýshylary Qazaqstan zańnamasyn jıi buzady - Jeńis Qasymbek
«Ótken aptada 835 qyrǵyz avtokólik quraldary tekserilip, nátıjesinde 117 buzýshylyq tirkeldi. ıAǵnı, árbir 6-7-shi qyrǵyz avtokóligi Qazaqstan aýmaǵy arqyly buzýshylyqpen ótedi. Qyrǵyzstandyq tasymaldaýshylar jiberetin negizgi buzýshylyqtardyń eń birinshisi - tasymaldanatyn júk qujattarynyń joqtyǵy. Mundaı derek - 56», - dedi ol.
Mınıstrdiń aıtýynsha, munan bólek qyrǵyz tasymaldaýshylary júkti belgilengen mólsherden artyq tasymaldap, tipti elimizdiń aýmaǵynda júrýge ruqsat ta almaıdy.
«Atalǵan faktilerge qatysty materıaldar memlekettik kiris organdary men ekonomıkalyq tergeý organdaryna jaǵdaıdy odan ári naqtylaý úshin jiberilýi tıis», - dedi mınıstr.
Jeńis Qasymbektiń atap ótýinshe, Qazaqstan Respýblıkasynyń avtomobıl joldary boıynsha traktor men jartylaı tirkeme quramyndaǵy avtopoıyzdyń ruqsat etilgen massasy 40 tonnadan aspaýy tıis. Al shyn mánisinde Qyrǵyz Respýblıkasynyń kólik tasymaldaýshylary shamadan tys júktemeni 5, tipti 7 tonnaǵa deıin asyryp jiberedi.
«Mysaly, aǵymdaǵy jyldyń 13 qazanynda qyrǵyzstandyq tasymaldaýshyǵa tıesili kólik quralyn tekserý kezinde júktiń ruqsat etilgen normadan 5 tonnaǵa artyq bolǵany anyqtaldy. Biz búgingi kúni mundaı kólik quraldaryn toqtatyp jatyrmyz. Tasymaldaýshy aıyppul tóleıdi. Júkti bólý jáne aıyppul tóleý múmkin bolmaǵan jaǵdaıda kólik quraly aıyp turaǵyna jiberiledi. Bul jumystardy kólik polıtsııasymen birge atqarýdamyz», - dedi ol.