Qyrǵyz ekonomısi: Joldaý - Qazaqstannyń ekonomıkalyq damýynyń shaǵyn strategııasy

BІShKEK. QazAqparat - Qazaqstan Respýblıkasynyń Prezıdenti Nursultan Nazarbaevtyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýy joǵary gýmanıtarlyq quramdas bóligimen erekshelenedi, dep atap ótti Qyrǵyz Respýblıkasy Saýda-ónerkásiptik komıtetiniń tóraǵasy Kýbatbek Rahımov. Bul týraly «QazAqparat» HAA menshikti tilshisi habarlaıdy.

«Joldaýdyq gýmanıtarlyq quramdas bóligi retinde memleket basshysy «adam», «azamat», «bıznes ókilderi» sózderin jıi qoldanǵan», - dep atap ótti  Kýbatbek Rahımov.

Qyrǵyzstan sarapshysy Joldaýdyń ekonomıkalyq baǵytyna toqtala otyryp, Qazaqstan Prezıdentiniń halyqtyń tabysyn ósirýge, ıaǵnı suranys ekonomıkasyna nazar aýdarǵanyn atap ótti.

«Bul jaǵdaıda álemdik damýdyń paradıgmasy osy: tutynýdy ulǵaıtýǵa, ekonomıka úshin mýltıplıkatıvti tıimdilikti qamtamasyz etetin sektorlardy nesıelendirýge basa nazar aýdarylady», - dedi K.Rahımov.

«Bul Joldaý Qazaqstan Respýblıkasynyń ekonomıkalyq damýynyń shaǵyn strategııasy deýge bolady. Baýyrlas Qyrǵyzstan ekonomısteri tarapynan, bul - qýantarlyq jaǵdaı: kórshi eldiń áleýetti tabysy Qyrǵyzstan ekonomıkasynyń ósýine tikeleı yqpal etedi. Sebebi, Qyrǵyzstandaǵy kóptegen kásipkerler Qazaqstandy áleýetti ótkizý naryǵy retinde qarastyrady. Sonymen qatar, tabystyń ósýi Qyrǵyzstan ónimine degen suranysty arttyryp, eńbek resýrsyn bólýdegi úılespeýshilikti joıýǵa múmkindik beredi. Qazaqstannyń qol jetkizgen jetistikteri barlyq kórshi elderdiń - RF, QHR, Ózbekstan jáne Qyrǵyzstan elderiniń ekonomıkasynda kórinis tabady dep oılaımyn», - dedi sarapshy.