Qyrǵyz azamaty Qazaqstanǵa 95 myńnan astam medıtsınalyq maskany zańsyz kirgizbek bolǵan

BІShKEK. Kabar-QazAqparat – «Chon-Kapka-avtojoly» baqylaý-ótkizý pýnktiniń shekarashylary 13 naýryz kúni Qyrǵyzstannan Qazaqstanǵa medıtsınalyq taýarlardy zańsyz alyp ótýshiniń jolyn kesti, dep habarlaıdy QazAqparat Kabar agenttigine silteme jasap.

Agenttiktiń málimetinshe, 1987 jyly týǵan qyrǵyz azamaty VOLVO FM12 markaly kóligimen ótkizý pýnktine toqtaǵan. Kólikti tekserý barysynda shekarashylar keptirilgen jemister salynǵan qapshyqtardyń astyna jasyrylǵan medıtsınalyq taýarlardy (medıtsınalyq maskalar) tapqan. Іlespe qujaty joq 95 600-den astam medıtsınalyq maska tabylǵan.

Tabylǵan taýarlardyń jalpy quny 1 400 000 somnan asady. QR Úkimetiniń 03.02.2020 jylǵy №57 qaýlysyna sáıkes, Qyrǵyzstan aýmaǵynan dárilik jáne medıtsınalyq zattardy shyǵarýǵa alty aıǵa ýaqytsha tyıym salynǵan.

Tıisti qujattardy daıyndaǵannan keıin júrgizýshi men júkti Qyrǵyzstan Respýblıkasynyń Ekonomıkalyq qylmystarmen kúres jónindegi memlekettik qyzmetine ári qaraı tekseris júrgizý úshin jiberdi.