Qymyz ben qazy jumys is­teý qabiletimizdi arttyryp, ­shar­sha­ǵanymyzdy basatyny­na senim­dimin - Aıdyn Aıymbetov

ASTANA. QazAqparat - Qazaqtyń qazysy men qymyzy - ǵaryshta, dep habarlaıdy «Egemen Qazaqstan» basylymy.

Ǵarysh ekspedıtsııasyna arnap Qazaq taǵamtaný akademııasynyń ǵalymdary azyqtyq jáne bıologııalyq qundylyǵy, ári medıtsınalyq-bıologııalyq qasıetteri joǵary bıe súti men jylqy maıynyń negizinde qazaqtyń ulttyq máziriniń arnaıy daıyndalǵan ónimderin ázirlegen bolatyn. «Dastarqan» dep atalatyn bul ulttyq taǵam keshenin A.Aıymbetov ózimen birge Halyqaralyq ǵarysh stansasyna alyp bardy.

«Birinshi taǵam - qatyrylǵan túrdegi ­qazaq­tyń «et taǵamy». Sal­­­maqsyzdyq ­jaǵ­da­­­­ıyn­da tamaqtaný úırenshikti is emes. Et dámdi, biraq qurǵaq. Sorpa jetispeıdi», - dep jaz­dy ol Twitter áleýmettik jelisindegi óz paraqshasyna. «Ǵarysh stansasynda ekıpaj músheleri qazaqstandyq ónimdi synaqtan ótkizedi. Bul taǵamdardyń jumys is­teý qabiletimizdi arttyryp, ­shar­sha­ǵanymyzdy basatyny­na senim­dimin», - deıdi qazaq ǵaryshkeri. Qazaqstandyq ónimderdiń Halyqaralyq ǵarysh stansasyn­da ǵaryshkerler paıdalanatyn ta­ǵamdardyń qataryna enýi ábden múmkin. Qazaqtyń ulttyq taǵamynyń dámin tatqan reseılik ǵaryshker Sergeı Volkov ta óz pikirimen bólisti. «Barlyǵy óte dámdi boldy, pakettelgen qymyzdy kórip, erekshe tań qaldyq. Halyq­ara­lyq ǵarysh stansasynyń bor­tynda taǵam túrleri kóp emes, sondyqtan da Aıdyn Aıym­betovtiń alyp kelgen «Das­tar­qan» qazaqstandyq taǵam ke­sheni ekıpajdyń kúndelikti asy­na úılesimdi qosymsha bolyp otyr», - deıdi ǵaryshker.