Qylmystyq jolmen alynǵan kirister men terrorızmdi qarjylandyrýǵa qarsy zań ázirlenedi

NUR-SULTAN. QazAqparat – Qazaqstannyń keıbir zańnamalyq aktilerine qylmystyq jolmen alynǵan kiristerdi zańdastyrýǵa jáne terrorızmdi qarjylandyrýǵa qarsy is-qımyl máseleleri boıynsha ózgerister men tolyqtyrýlar engiziledi, dep habarlaıdy QazAqparat tilshisi.

Bul týraly QR Parlamenti Májilisi Qarjy jáne bıýdjet komıtetiniń tóraıymy Gúljan Qaraǵusova Májilistiń jalpy otyrysynda aıtty.

«Atalǵan zań jobasy Májiliske 2019 jyly 27 maýsymda engizildi. Zań jobasyn engizý maqsattary qoldanystaǵy zańnamada bar quqyqtyq olqylyqtardy joıýǵa, qylmystyq jolmen alynǵan kiristerdi zańdastyrýǵa jáne terrorızmdi qarjylandyrýǵa qarsy is-qımyl salasynda zańnamany halyqaralyq standartqa sáıkestendirýge baǵyttalǵan. Qarjy jáne bıýdjet komıteti osy zań jobasy boıynsha 2020 jyly 22 sáýirge deıingi merzimde qorytyndy ázirleýge daıyn. Qoldaýlaryńyzdy suraımyz», - dedi Gúljan Qaraqusova.

Jalpy otyrysqa qatysqan 104 depýtat zań jobasyn maquldady.