Qylmystyq qýdalaý organdarynyń áreketterine qatysty 2015 jyly 1200 shaǵym túsken

ASTANA. QazAqparat - 2015 jyly Qazaqstannyń qylmystyq qýdalaý organdarynyń is-áreketterine qatysty 1200-nan astam shaǵym kelip túsken. Bul týraly búgin Ortalyq kommýnıkatsııalar qyzmetinde Joǵarǵy sottyń qylmystyq ister jónindegi qadaǵalaýshy sot alqasynyń tóraǵasy Abaı Rahmetýllın málim etti.

«Bıyl birinshi jartyjyldyqta prokýrorlardyń, tergeý jáne anyqtaý organdarynyń is-áreketterine nemese olardyń kerisinshe, áreket etpeýine qatysty tergeý sottaryna 1227 shaǵym kelip tústi. Olardyń úshten biri tergeýshiniń áreketine qatysty bolsa, besten bir bóligi prokýrordyń is-qımylyna baılanysty bolǵany anyqtalyp otyr. Jalpy, 734 shaǵym qaraldy, ol barlyq shaǵymnyń 59,8 paıyzyn quraıdy. Tolyqtaı nemese ishinara 231 shaǵym qanaǵattandyryldy. Protsessýaldyq sheshimderdiń árbir jetinshisi zańsyz bolatyny anyqtaldy jáne belgilendi. Laýazymdy tulǵanyń árbir ekinshi shaǵymy zańsyz», - dedi A.Rahmetýlın.

Onyń aıtýynsha, shaǵym túsirgenderdiń basym bóligi Almaty men Astana qalalarynyń, ShQO, Qostanaı, Qaraǵandy, Aqtóbe oblystarynyń turǵyndary.