Qylmystyq kiristerdi jylystatýdyń shemalaryn anyqtaıtyn tıpologııalar ázirlenýde
«Búgin Kiristerdi jylystatý jáne terrorızmdi qarjylandyrýmen kúres jónindegi vedomstvoaralyq keńestiń úshinshi otyrysy ótkizildi. Oǵan QR Premer-Mınıstriniń birinshi orynbasary Álıhan Smaıylov, Qarjylyq monıtorıng agenttiginiń tóraǵasy Janat Elımanov, Eýrazııalyq toptyń Tóraǵasy – Qarjylyq monıtorıng federaldy qyzmetiniń basshysy ıÝrıı Chıhanchın, QR Parlamentiniń depýtattary jáne memlekettik organdardyń ókilderi qatysty», - delingen Qarjylyq monıtorıng agenttigi baspasóz qyzmetiniń málimetinde.
Kezdesýdiń maqsaty – elimizdiń Ózara baǵalaýdyń ekinshi raýndyna tıimdi daıyndyǵyn qamtamasyz etý.Keńeıtilgen otyrysta bar máselelerdi sheshýde kúsh-jigerdi biriktirý belgilengen. Reseıden shaqyrtylǵan áriptester óz tájirıbesimen bólisip, ózekti suraqtar boıynsha usynymdar berdi.
«FATF usynymdaryna sáıkes bolý úshin qazirgi kezeńde Qazaqstanǵa zańnamany jetildirý qajet. Agenttik zańnamalyq túzetýlerdiń birinshi toptamasyn ázirledi. Vedomstvoaralyq jáne halyqaralyq ózara árekettesýdiń mehanızmderi jetildirilip keledi. Eýrazııalyq top aıasynda qylmystyq kiristerdi jylystatýdyń ádisteri men shemalaryn anyqtaýdyń jalpy tıpologııalary ázirlenýde», - dedi Álıhan Smaıylov.
Memleket basshysy Agenttiktiń zańnamada FATF-tyń iske asyrylmaǵan usynymdaryn qoldaný jónindegi usynysyna qoldaý kórsetkendigin atap ótken jón.
QMA Tóraǵasy Janat Elımanov otyrysty qorytyndylaı otyryp, Keńes múshelerinen engizilgen túzetýlerdi múmkindiginshe qoldap, olardy kelisý protsesin tezdetýdi surady. Sonymen birge, qarajatty jylystatýmen kúreske tartylǵan memlekettik organdardy kúsh biriktirip, halyqaralyq qaýymdastyqqa qarajatty jylystatýmen kúrestegi memlekettik apparattyń tıimdiligin kórsetýge shaqyrdy.
«Ózara baǵalaý nátıjeleri elimizdiń ekonomıkalyq damýyna áser etýi múmkin. Eń aldymen, ınvestıtsııalyq klımatqa, qyzmet kórsetýdiń bank jáne qarjy salalaryna», - dep agenttik tóraǵasy.
Eske salatyn bolsaq, 2021-2022 jyldary qylmystyq jolmen alynǵan kiristerdi zańdastyrýǵa (jylystatý) jáne terrorızmdi qarjylandyrýǵa qarsy is-qımyldyń ulttyq júıesi halyqaralyq sarapshylarmen Aqshany jylystatýmen kúrestiń qarjylyq is-sharalaryn ázirleý tobynyń (FATF) talaptaryna sáıkestigi baǵalanbaq. QR Qarjylyq monıtorıng agenttigi osy baǵalaýdy ótkizý boıynsha ulttyq úılestirýshi bola otyryp, memlekettik organdarmen jáne qarjy monıtorıngi sýbektilerimen birlese otyryp, aldaǵy EAT-tyń ózara baǵalaýyna qarjylyq monıtorıngtiń ulttyq júıesin daıyndaý boıynsha belsendi jumys júrgizýde.