Qylmystyq-atqarý júıesi komıtetinde ótinishter men shaǵymdarǵa arnalǵan qaýyrt jeli quryldy
«Senim telefony, elektrondyq úkimet portalyndaǵy tóraǵa blogy sııaqty jumys istep júrgen keri baılanys quraldaryna qosymsha retinde azamattarmen kommýnıkatsııanyń taǵy bir arnasy ashyldy. Endi QAJ tarapyna buzýshylyqtarǵa tap bolatyn árbir azamat habarlama jibere alady. Osyndaı baılanys bas bostandyǵynan aıyrý oryndarynda otyrǵandardyń quqyǵynyń qorǵalýy men saqtalýyn qamtamasyz etý tártibin jetildirýge múmkindik beredi», - dep atap ótti Qylmystyq atqarý júıesi komıtetiniń basshysy Janat Eshmaǵambetov.
Bul úshin tanymal WhatsApp messendjerinde jedel jeliniń 8-776-677-80-77 nómirine habarlama nemese medıafaıl jiberý jetkilikti. Oǵan jaýap ta messendjerde beriledi.
«Biz keri baılanystyń bul túri barlyq quqyq buzýshylyqtar boıynsha ótinishter men shaǵymdardyń qabyldanýy men qaralýyn jeńildetedi dep sanaımyz. Bul jumysty baqylap, kelip túsken habarlamalardy onlaın rejımde taldap otyratyn jáne olardy jaýap daıyndaý úshin komıtettiń beıindi qyzmetterine joldaıtyn operator qyzmet atqarady. Birde bir habarlama jaýapsyz qalmaıdy. Azamattardyń shaǵymdary obektıvti ári jan jaqty qaraý maqsatynda buǵan bas bostandyǵynan aıyrý oryndarynda qoǵamdyq baqylaý júrgizetin múddeli organdar men olardyń ókilderi tartylady», - dep qosyp ótti QAJK tóraǵasy.