Qylmystyq-atqarý júıesi komıtetin qaıta uıymdastyrý qajet - sarapshy

ASTANA. QazAqparat - Qylmystyq-atqarý júıesi komıtetin qaıta uıymdastyrý qajet. Bul týraly búgin 4-shi túrme reformasy forýmy barysynda Eýropalyq odaqtyń «Qazaqstandaǵy qylmystyq sot ádildigin jetildirý» jobasynyń sarapshysy Sáýle Mektepbaeva aıtty, dep habarlaıdy QazAqparat.

«Qazirgi ýaqytta Qylmystyq-atqarý júıesiniń júıesiniń strategııalyq turǵyda qaıta qaraý kerek. Qylmystyq-atqarý júıesi komıtetiniń óz sanyn saqtap qalǵandyǵy qýantarlyq jaıt. Degenmen, qazirgi túrme halqynyń sany qysqarǵan jaǵdaıda QAJK-niń jumysyn qaıta uıymdastyrý qajet shyǵar», - dedi Mektepbaeva.

Onyń atap ótýinshe, bul máselede halyqaralyq tájirıbege basa nazar aýdarǵan jón.

«Halyqaralyq tájirıbege sáıkes túrme júıesin basqarý ár ýaqytta da ıerarhııalyq syzba emes. Ol túrme qyzmetin basqarý jónindegi ulttyq agenttik pen túrmeden turady. Bizge de bul máseleni oılastyrý qajet. Qylmystyq-atqarý júıesi departamentteriniń taǵdyryn da oı eleginen ótkizgen jón. Olar jalpy bizge qajet pe? Múmkin túrmelerdiń jumysyn Astanadan-aq basqarýǵa bolar? Qazirgi ýaqyttaǵy zamanaýı tehnologııalar bulaı jasaýǵa tolyqtaı múmkindik beredi. Eger biz qazirgi ýaqytta kolonııa ishindegi jumystardy qaıta qarar bolsaq, onda úlken saraptamalar jasaı alamyz jáne sottalýshylardyń radıkaldanýy syndy syn-qaterlerge jaýap bere alar edik», - dedi ol.