Qylmyskerler tarapynan eń kóp zardap shegetinder jumyssyzdar men múmkindigi shekteýli jandar - Halyqaralyq quqyq qorǵaý ortalyǵynyń prezıdenti

ALMATY. 23 qazan. QazAqparat - Múmkindigi shekteýli jandardyń quqyǵyn qorǵaý máselesi juma kúni Parlament Senatynyń arnaıy otyrysynda kóterildi. Ony Halyqaralyq quqyq qorǵaý ortalyǵynyń prezıdenti Jandildá Jaqypov búgin Almatyda ótken «Múmkindigi shekteýli adamdardyń quqyǵyn qamtamasyz etý» dep atalatyn dóńgelek ústel jıynynda aıtty.

«Onda QR Ulttyq qaýipsizidk komıtpetiniń jáne QR Іshki ister mınıstrliginiń basshylary málimdegen statıstıkalyq derekter bárimizdi qatty qynjyltty. Olardyń keltirgen málimetterine qaraǵanda, qylmyskerler tarapynan eń kóp zardap shegetinder jumyssyzdar men múmkindigi shekteýli jandar eken. Sondyqtan  aǵymdaǵy jyly múmkindigi shekteýli jandardyń quqyǵyn qorǵaýda úkimet aýqymdy  is-sharalardy júzege asyryp, bul baǵytta úlken ózgeristerdi bastady», - deıdi Halyqaralyq aqparattandyrý akademııasynyń  korrespondent múshesi J.Jaqypov. Onyń aıtýynsha, QR Múgedekteriniń quqyqtaryn qamtamasyz etý men ómir súrý deńgeıin jaqsartý jónindegi 2012-2018 jyldarǵa arnalǵan is-sharalar josparynyń birinshi kezeńi 2012-2013 jyldardy qamtymaq.