Qylmys jasaǵany úshin izdeýde júrgen reseılik Almatyda ustaldy

Reseıde qylmys jasaǵany úshin izdeýde júrgen 31 jastaǵy er adam Almatyda ustaldy, dep habarlady QazAqparat tilshisi.

Almaty qalasyndaǵy qylmystyq ahýaldy turaqtandyrý jáne QR kóshi-qon zańnamasyn buzýshylardy anyqtaý maqsatynda 11 qyrkúıek pen 30 qyrkúıek aralyǵynda «Jaldamaly» sharasy ótip jatyr.

Megapolıste 4 kún ishinde 695 kóshi-qon zańnamasyn buzýshy ákimshilik jaýapqa tartyldy. Shara barysynda Almaty polıtsııasynyń qyzmetkerleri RF Samara oblysynyń polıtseılerimen izdeýde júrgen 1992 jyly týǵan qylmysqa qatysy bar er adamdy ustady.

«Qazaqstan Respýblıkasy aýmaǵynda bolý erejelerin buzǵany úshin 209 sheteldik jaýapkershilikke tartylsa, sheteldikterdiń QR aýmaǵynda bolýynyń zańdylyǵyn qamtamasyz etý sharalaryn qoldanbaǵany úshin 122 qabyldaýshy zańdy jáne jeke tulǵaǵa aıyppul salyndy. Sonymen qatar, jeke basyn kýálandyratyn qujaty joq 206 shetel azamaty PD-nyń qabyldap-taratýyna ornalastyryldy. 34 sheteldik sot sheshimimen Qazaqstannan shyǵaryldy», - dedi Almaty qalalyq PD kóshi-qon qyzmeti basqarmasynyń bastyǵy Ashat Býtýnchınov.