Qylmys qurbanyna aınalǵan zańsyz mıgranttardy elden kúshtep shyǵarmaýǵa kepildik beremiz – Іshki ister mınıstri

ASTANA. QazAqparat – Qazaqstan zańsyz eńbek mıgratsııasyn adam saýdasynan qorǵaý úshin arnaıy shara qabyldamaqshy. Bul jaıynda QR Іshki ister mınıstri Marat Ahmetjanov Astanada ótip jatqan quqyqtyq forýmda aıtty,-dep habarlaıdy QazAqparat tilshisi.

«Qazaqstan qazir kórshi elderdiń azamattaryna jumys oryndaryn usynýshy el bolyp otyr. Osy eńbek mıgratsııasyn zańdastyrý qajet. Óıtkeni adam «kóleńkeli aımaqta» qalmaýy kerek. Ádette ondaı aımaqtaǵy mıgrant adam saýdasynyń qurbanyna aınalady. Sebebi óz elimizde zańsyz jolmen júrgen bolýy múmkin. Sondyqtan elden shyǵaryp jiberedi dep qoryqqandyqtan aryzdana almaıdy. Sondyqtan biz osyndaı aspektini qarastyrdyq. Eger ondaı sheteldik qylmys qurbany bolsa, memleket ony kúshtep shyǵarmaýǵa kepildik beredi», - dedi Іshki ister mınıstri.

Sondaı-aq, ol elimiz 60 elmen adam saýdasynyń qurbanyna aınalǵan Qazaqstan azamattaryna ózara kómek kórsetý týraly kelisimshartqa qol qoıǵanyn eske saldy.

«Bul máselede Qazaqstan ózara quqyqtyq kómek jónindegi 60-tan astam ekijaqty halyqaralyq kelisimsharttyń qatysýshysy bolyp esepteledi. Sonyń aıasynda birneshe memleketke adam saýdasynyń qurbanyna aınalǵan óz azamattarymyzǵa quqyqtyq kómek kórsetý týraly suraýhat jibere alamyz», - dedi Marat Ahmetjanov.