Kvota aıasynda 59 kásipker 16 myń tonnaǵa jýyq pııazdy eksporttaýǵa ruqsat aldy

ASTANA. QazAqparat – Pııazdy elden shyǵarýǵa salynǵan shekteý alynyp tastalǵannan beri 59 kásipker kvota sheńberinde eksporttaýǵa ruqsat aldy, dep habarlaıdy QazAqparat tilshisi.

8 sáýirde Aýyl sharýashylyǵy mınıstrligi pııaz eksportyna salynǵan shekteýdiń kúshin joıdy. Degenmen, shet elge shyǵarýǵa 20 myń tonna kóleminde kvota belgiledi.

Vedomstvo aqparatyna saı, 21 sáýirge deıin 59 kásipker 15 968 tonna pııazdy ózge memeleketterdiń naryǵyna shyǵarýǵa ruqsat alǵan. Kvota boıynsha endi 4 031 tonna qalyp otyr.

Toqtala ketsek, jaqynda jaýapty mınıstrlik 28 sáýirge deıin Qazaqstan aýmaǵynan 20 000 tonna pııazdy úshinshi memleketterge jáne Eýrazııalyq ekonomıkalyq odaq elderine áketýge kvota engizgen bolatyn.