KVI: Vaktsınalaýdan keıingi qandaı aralyqta júktilikti josparlaýǵa bolady
«Bul taqyryp kópti oılandyryp júrgen belgili. Qazirgi kezde vaktsınany alýdy nemese júktilikti josparlap otyrǵan áıelderdiń saýalyna toqtalsaq, júktilikti vaktsınatsııadan keıin 2 aı ótken soń josparlaýǵa bolady. Sebebi aǵzada tolyq ımmýnıtet qalyptasady. Eriktilerdiń arasynda júkti áıelderdiń bolmaýyna baılanysty bul vaktsınanyń júkti áıelderdiń aǵzasynda qalaı júretini týraly ǵylymı málimetimiz joq. Soǵan baılanysty osyndaı sheshim qabyldanyp otyr», - dedi A. Qýatbaeva Ortalyq kommýnıkatsııalar qyzmetinde.
Onyń aıtýynsha, ýaqyt óte kele ǵylymı jumystardyń nátıjesine baılanysty bul baǵyttaǵy táselder ózgerýi múmkin.
«Sondyqtan vaktsınalaýdan keıin 2 aı ótken soń júktilikti josparlaı berýge bolady», - dep naqtylady Aınagúl Qýatbaeva.
Budan buryn habarlanǵandaı, vaktsınanyń birinshi komponentin saldyrǵan sozylmaly aýrýy bar adamdar sany 32 314-ke jetti.