KVI naýqastary úshin tartylǵan aýrýhanalar sany qysqartyldy – Úkimet otyrysy

NUR-SULTAN. QazAqparat – Óńirlerde KVI úshin qosymsha tartylǵan aýrýhanalar sany birtindep qysqartyldy. Bul týraly Úkimet otyrysynda Densaýlyq saqtaý mınıstri Alekseı Tsoı málim etti, dep habarlaıdy QazAqparat tilshisi.

Onyń aıtýynsha, 10 maýsymdaǵy jaǵdaı boıynsha elimizde ınfektsııalyq statsıonarlardyń júktemesi 24 paıyzdy, al reanımatsııalyq oryndardyń júktemesi 21 paıyzdy qurap otyr.

«Osy oraıda sońǵy aıda ınfektsııalyq jáne reanımatsııalyq oryndardyń júktemesi sáıkesinshe 1,9 jáne 1,5 esege tómendedi. Barsha óńirde ınfektsııalyq oryndardyń júkteme deńgeıi tómendep keledi. Onyń ishinde Almaty qalasynda – 4 ese, Aqtóbe oblysynda – 3 ese, Almaty oblysynda – 2,5 ese, sondaı-aq Túrkistan, Qyzylorda, Jambyl oblystarynda 2 ese azaıdy», - dedi mınıstr.

Onyń sózine qaraǵanda, sońǵy aıda em-dom alyp jatqan naýqastardyń sany 20 myńǵa nemese eki esege tómendedi. Óńirlerde KVI úshin qosymsha tartylǵan aýrýhanalar sany birtindep qysqartyldy.