KVI-men kúres: QazVac vaktsınasyn alǵandardyń pikiri qandaı
Aıta keteıik, 22 cáýir kúni COVID-19-ǵa qarsy qazaqstandyq QazVac (QazCovid-in) vaktsınasynyń alǵashqy partııasy jóneltildi. QazVac vaktsınasynyń alǵashqy 50 myń dozasy «SQ-Farmatsııanyń» habtaryna taratylyp, odan ári elimizdiń barlyq óńirlerindegi densaýlyq saqtaý basqarmalarynyń qoımalaryna jetkizildi. Budan ári vaktsına óndirisi kezeń-kezeńmen aıyna 500-600 myń dozaǵa deıin ulǵaıtylady.
Qazaqstandyq vaktsınanyń ǵylymı ataýy - QazCovid-in, onyń taýarlyq ataýy – QazVac.
«Vaktsınanyń alǵashqy partııasy Bıologııalyq qaýipsizdik máseleler jónindegi ınstıtýtta 50 myń dozamen óndirildi. Instıtýtymyz vaktsınany derbes óndirýge múmkindigi bar. Qazaqstanda óndirilgen dozalar barlyq óńirlerge jiberildi. Munan ary óndiristi ulǵaıta túsý úshin túrli alańdardy qarastyryp jatyrmyz. Bul - túrik seriktesterimizdiń alańy. Sonymen Gvardeıskııde ózimizdiń zaýytty salý ústindemiz. Qazir ol munan ary iske qosý úshin qural-jabdyqtaryn ornatýdyń barlyq kezeńinen ótip jatyr», - dedi QR Densaýlyq saqtaý mınıstri Alekseı Tsoı tikeleı efırde QazCOVID-in vaktsınasyn alǵannan keıin.
Sonymen qatar, mamyr aıynda 50 myń doza kólemindegi vaktsınanyń kezekti partııasyn shyǵarý josparlanyp otyr. Osy oraıda otandyq vaktsınanyń saldyrǵan azamattardyń pikirin kópshilik nazaryna usynýdy jón kórdik.
Búgin áleýmettik jelide Jer reformasy jónindegi komıssııanyń múshesi, qoǵam qaıratkeri Muhtar Taıjan otandyq vaktsınany saldyrǵanyn jazdy.
«Men ózimizdiń Qazaqstandyq ǵalymdardy qoldaımyn jáne senemin! QazVac-ty salǵyzdym. Astanada Ábý-Dabı ǵımaratynda salyp jatyr, 2-shi qabatynda. Kezek joq, 10 mın ishinde salyp jiberdi. Taǵy 30 mın otyrasyń, ketesiń», - dedi M. Taıjan.
Jambyl oblysy ákiminiń orynbasary Dáýlet Káribek te otandyq ǵalymdardyń ónimin ektirgenin málim etti.
«Búgin otandyq QazCovid-in (QazVac) vaktsınasyn saldyrdym. Bizdiń elimiz koronavırýsqa qarsy óz vaktsınasyn shyǵarǵan álemniń 5 eliniń biri boldy. Jambyl oblysy Qordaı aýdanynda jasalǵan vaktsına qazirgi tańda elimizdiń barlyq óńirlerine jetkizildi. Biz bul aýrýdy tek jappaı vaktsınatsııa júrgizý arqyly qana jeńemiz! Búginginiń batyry dárigerlerimizge shyn júrekten taǵy da alǵys aıtqym keledi! El aman, jurt tynysh bolsyn!», - dep jazdy ákim orynbasary Facebook-tegi paraqshasynda.
Sonymen qatar Qyzylorda oblystyq ishki saıasat basqarmasynyń basshysy Mıra Qazbekova otandyq vaktsınanyń tańdaǵanyn áleýmettik jelide jazdy.
«Otbasymdy oılaǵandyqtan «QazVac» vaktsınasyn saldyrdym. Qazir jaǵdaıym jaqsy, eshbir aýyrsyný belgileri bolǵan joq. Dárigerler úsh kúnge deıin densaýlyǵymdy baqylaýdy ustaıtyndyǵyn eskertti. Endi 21 kúnnen keıin vaktsınanyń ekinshi dozasyn saldyramyn. Bizdiń jumysymyz halyqpen tyǵyz baılanysty. Qyzmet babyna baılanysty túrli jerlerge baryp, adamdarmen jolyǵýǵa týra keledi. Sondyqtan indet juqtyrmaý úshin osyndaı qadamǵa bardym. Úıdegi úlkenderimiz de ekpe saldyrdy. Biz kásibı mamandarǵa senemiz. Ekpeden qorqýdyń qajeti joq dep sanaımyn. Óz densaýlyǵymyz úshin sheshim qabyldaýymyz qajet», - dedi M. Qazbekova.
Túrkistan oblysy Sozaq aýdany Shý aýyldyq okrýginiń ákimi Danııar Dosymbekov otandyq ǵalymdardyń úlken jetistigi bolyp sanalatyn QazVac vaktsınasynyń birinshi komponentimen egilgenin aıtty.
«Jalpy jaǵdaıym jaqsy, eshqandaı keri áser bolǵan joq. Barshańyzdy óz otbasylaryńyzdy, jaqyndaryńyzdy qorǵaý úshin ekpe ektirýge shaqyramyn. Vaktsınatsııa indetti jeńýge septigin tıgizetin birden-bir qural ekenin ǵylym men ýaqyt talaı dáleldegen. Vaktsınatsalardyń tıimdiligi men qaýipsizdigi muqııat baqylaý men tájirıbeden ótkendigin ataı otyryp, Qazaqstan halqyn ımmýndaýǵa Sizderdiń de atsalysýlaryńyz qajet ekendigin eske salǵym keledi», - dep jazdy ákim áleýmettik jelide.
Buǵan deıin habarlanǵandaı, byltyr jazda QR Bilim jáne ǵylym mınıstri Ashat Aımaǵambetov, 2020 jyly jeltoqsan aıynda QR Prezıdentiniń kómekshisi Erlan Karın, ótken jyldyń sońynda Jambyl oblysynyń ákimi Berdibek Saparbaev, S.J.Asfendııarov atyndaǵy Qazaq ulttyq medıtsınalyq ýnıversıtetiniń rektory Talǵat Nurǵojın otandyq vaktsınany saldyrǵan edi.
Al bıyl 26 sáýirde Densaýlyq saqtaý mınıstrliginiń basshylyǵy otandyq vaktsınany ektirgen bolatyn.
Jaqynda elordadaǵy № 9 emhanada QR Sanıtarııalyq-epıdemıologııalyq baqylaý komıtetiniń basshysy Aıjan Esmaǵambetova KVI-ǵa qarsy qazaqstandyq QazCovid-in (QazVac) vaktsınasyn saldyrdy.
«Ujymdyq ımmýnıtetti qamtamasyz etý úshin bizde halyqtyń 60% vaktsınatsııalanýy kerek. Tek osylaı ǵana vırýstyń aınalymyn toqtatýǵa bolady», - dedi komıtet basshysy.
Eske sala keteıik, aqpan aıynda táýekel tobyn qosa alǵanda túrli jas sanatyndaǵy 3 myń eriktige klınıkalyq synaqtyń ІІІ satysy ótkizilip jatqany habarlanǵan edi.
Taıaýda Bıologııalyq qaýipsizdik máseleleri jónindegi ǵylymı-zertteý ınstıtýtynyń bas dırektory Kúnsulý Zakarııa QazVac otandyq vaktsınasy klınıkalyq synaǵynyń 3-satysy qashan aıaqtalatynyn aıtty.
«Qazirgi ýaqytta dúnıejúzinde klınıkalyq synaqtyń 1, 2 jáne 3-satysynan ótip jatqan vaktsınalardy «kandıdattyq vaktsınalar» dep ataıdy. Olardyń sany 200-den asady. Sonyń ishinde bizdiń vaktsınamyz 14-shi bolyp klınıkalyq zertteýge shyqty jáne álemde 5-shi bolyp adamdarǵa egýge ruqsat aldy», - dedi ǵalym.
Onyń aıtýynsha, álemde ázirlenip, paıdalanýǵa berilgen vaktsınalardyń eshqaısysy klınıkalyq synaqtyń úshinshi satysynan ótpegen.
«Zertteýler áli jalǵasyp jatyr. Bireýleri klınıkalyq synaqtyń 3-satysyna endi shyǵady. Mysaly, «Spýtnıka V» osy jyldyń mamyr aıynda klınıkalyq synaqtyń 3-satysynan tolyq ótedi. Al QazVac vaktsınamyzǵa osy jyldyń shilde aıynda klınıkalyq synaqtyń 3-satysy aıaqtalady. Sol ýaqytta ózimizdiń zertteýlerdiń tolyq nátıjesin alamyz»,- dedi Kúnsulý Zakarııa.